Sport24.az
"Bu oyun bizim üçün vacib idi, matça köklənmişdik, yaxşı hazırlaşmışdıq". Sport24.az xəbər verir ki, bunu "Abşeron"un voleybolçusu Katerina Jidkova deyib.
Hücumçu Yüksək Liqanın "Milli Aviasiya Akademiyası" ilə oyunu barədə fikirlərini Azərbaycan Voleybol Federasiyasının mətbuat xidmətinə açıqlayıb:
"Belə hesab qeydə alındığına görə də şadıq. Bu oyun bizə həm də psixoloji olaraq vacib idi, çünki bu komanda ilə oynadığımız son iki qarşılaşmada məğlub olmuşduq. Pley-offdan əvvəl özümüzə inamı geri qaytarmaq vacibdir. Çempionatın əsas hissəsi yaxınlaşır, məqsədimiz çempion olmaqdır, bunun üçün maksimum çalışırıq. Ümid edirəm ki, bunu bacaracağıq. Komandama inanıram".
Qeyd edək ki, "Abşeron" "Milli Aviasiya Akademiyası"na 3:0 (25:17, 25:19, 25:17) hesabı ilə qalib gəlib.
