Idman.biz
Bu gün VI İslam Həmrəyliyi Oyunlarında gümüş medal qazanan qadın voleybolçulardan ibarət millimiz vətənə dönüb.
İdman.Biz xəbər verir ki, bu barədə Azərbaycan Voleybol Federasiyası (AVF) məlumat yayıb.
Komandamızı Heydər Əliyev Beynəlxalq Aeroportunda Azərbaycan Voleybol Federasiyasının əməkdaşları, idman ictimaiyyətinin üzvləri və media nümayəndələri qarşılayıblar.
Qarşılanma mərasimində voleybolçularımız və məşqçilər müsahibələr veriblər, jurnalistlərin suallarını cavablandırıblar.
Qeyd edək ki, millimiz İslam Oyunlarında ilkin mərhələdə İran, Tacikistan, Türkiyə və Əfqanıstan yığmaları ilə qarşılaşıb. Üç qələbə qazanan təmsilçimiz finala yüksəlib. Bu oyun isə rəqib Türkiyə komandasının qələbəsi ilə yekunlaşıb və Faiq Qarayevin yetirmələri yarışı gümüş medalla başa vurublar.
