Idman.biz
Azərbaycanın kişi voleybolçulardan ibarət millisi bu gün Gümüş Avropa Liqasında ikinci matçına çıxacaq.
İdman.biz xəbər verir ki, Fərid Cəlalovun baş məşqçisi olduğu yığma İsveçdə Gürcüstanla qarşılaşacaq.
Görüşdə millimiz favoritdir. Komandamız gürcülərə 11 ildə rəsmi 6 matçın hamısında qalib gəlib. Lakin yığmamızda nəsildəyişmə rəqibin xeyrinə də işləyə bilər.
Gümüş Avropa Liqası
II tur
19:00. Gürcüstan - Azərbaycan
Hakimlər: Elena Persson (İsveç), Ellen Mari Burhem (Norveç)
Umeo, "Energi Arena Vatten"
Qeyd edək ki, yığmamız ilk turda İsveçə 0:3 hesabı ilə uduzub.
İdman.biz
