İdman.biz
Çimərlik voleybolu üzrə 18 yaşadək qız və oğlanlardan ibarət Azərbaycan komandaları Şərqi Avropa Voleybol Zonal Assosiasiyası (EEVZA ) çempionatında güclərini sınayacaqlar.
İdman.biz xəbər verir ki, təmsilçilərimiz bu gün yarışın keçiriləcəyi Latviyanın Tsesis şəhərinə yola düşüblər.
Avqustun 13-15-də baş tutacaq yarışda Səbinə Əlizadə - Lizi Latsabidze və Nəriman Bayramlı - Muhammad Aslanlı cütlükləri çıxış edəcək.
Oğlanların mübarizəsində voleybolçularımız Estoniya, Ukrayna, Polşa, Litva və Latviya komandaları ilə üz-üzə gələcəklər. Qızların yarışında isə rəqibimiz Estoniya, Ukrayna, Polşa, Litva və Latviya cütlükləri olacaqlar.
İdman.biz
