Idman.biz
Çempionlar Liqasında mübarizə aparan kişi voleybolçulardan ibarət "Azərreyl" klubu sabah ilkin mərhələnin növbəti oyununa çıxacaq.
Bu barədə İdman.Biz-ə Azərbaycan Voleybol Federasiyasının mətbuat xidmətindən məlumat verilib.
Komanda Serbiyada "Radniçki" klubunun qonağı olacaq. Qarşılaşma Bakı vaxtı ilə saat 21:00-da "Jezero" arenasında baş tutacaq.
Komandamız bu turu keçəcəyi təqdirdə növbəti mərhələdə "TSV Raiffeisen Hartberg" və "AKAA Volley" klublarının qalibi ilə qarşılaşacaq. Təmsilçimiz mərhələni keçə bilməsə, CEV Kubokunda 1/32 finaldan mübarizəyə qoşulacaq. Bu turnirdəki rəqib isə "ACH Volley Ljubljana" və "Orion Stars Doetinchem" cütünün qarşılaşmasının məğlub komandası olacaq.
Qeyd edək ki, "Azərreyl" Bakıda keçirilən ilk oyunda "Radniçki" klubuna 0:3 hesabı ilə uduzub.
