Idman.biz
Kişi voleybolçular arasında Azərbaycan Yüksək Liqasında növbəti oyunlar keçirilib.
İdman.Biz-in məlumatına görə, 19-cu turun ilk qarşılaşmasında "Murov Az Terminal" "Gənclər"i 3:0 hesabı ilə üstələyib.
Günün növbəti matçlarında "Ordu" "Azərreyl"i (3:1), "Xilasedici" "Neftçi"ni (3:1) məğlub edib.
Müntəzəm mövsümün sonuncu – 20-ci turu martın 30-da keçiriləcək.
10:13
Bu gün kişi voleybolçular arasında Azərbaycan Yüksək Liqasında 19-cu turun növbəti oyunları baş tutacaq.
İdman.Biz xəbər verir ki, turun açılış matçında "Murov AZ Terminal" komandası "Gənclər"lə üz-üzə gələcək.
Qarşılaşma Abşeron Olimpiya İdman Kompleksində saat 15:00-da başlayacaq.
Digər oyunlar isə saat 16:00-a təyin olunub. "Azərreyl" "Ordu" ilə, "Xilasedici" isə "Neftçi" ilə qarşılaşacaq. Hər iki görüş Fövqəladə Hallar Nazirliyinin idman zalında keçiriləcək.
Qeyd edək ki, müntəzəm çempionatın sonuncu - 20-ci turunun oyunları martın 30-na planlaşdırılıb.
