Sport24.az
16 yaşadək voleybolçu oğlanlardan ibarət millimiz Şərqi Avropa Voleybol Zonal Assosiasiyası (EEVZA) çempionatında iştirak etmək üçün bu gün Estoniyaya yola düşüb. Sport24.az xəbər verir ki, 27-30 noyabr tarixlərində keçiriləcək yarışda mübarizə aparacaq komandamızın məşqçilər korpusunda dəyişiklik olub.
Belə ki, səhhətində yaranan problemə görə gənc oğlanlardan ibarət milli komandanın baş məşqçisi Cahangir Seyed Abbasi yarışda iştirak edə bilməyəcək. Onu Cengiz Akarçeşmə əvəz edəcək. C.Akarçeşmənin köməkçiləri isə Tural Teymurov və Elşən Heybətov olacaq.
Qeyd edək ki, komandamız B qrupunda yer alıb. Rəqiblərimiz isə Estoniya və Latviya yığmalarıdır. "AVRO-2025"ə seçmə xarakteri daşıyan çempionatın reqlamentinə əsasən, çempion qitə birinciliyinin final mərhələsinə vəsiqə əldə edəcək.
U-16 millimizin heyəti:
Oyunçular: Elvin Qədirli, Elvin Abdullayev, Mətin Əlibəyli, Özcan Məhərrəmov, Əli Novruzlu, Onur Xəlilov, Seymur Əliyev, İmran Hüseynzadə, Sinan Quliyev, Ramin Nəhmədov, Baba Əzizli, Daniil Belov, Amir Yagoubi, Elvin Vəliyev.
