İdman.biz
"Çox fərqli oyun getdi. Rəqibimiz ötən mövsüm çempionatın qalibi idi".
Bunu İdman.bizə kişi voleybolçulardan ibarət "Xilasedici" klubunun baş məşqçisi Cəlil Cəlilov deyib.
Gənc mütəxəssis "Yaşıl dünya naminə həmrəylik ili" çərçivəsində təşkil olunan Azərbaycan kubokunun finalında "Azərreyl"ə 3:0 hesabı ilə qalib gəldikləri oyunu şərh edib: "Vaxtımız yenə az idi, 1 ay 20 gün ərzində yığılan komandadır. Oyunçularımızı təbrik edirəm. Çox yaxşı mübarizə apardılar. Rəhbərliyin qarşımıza qoyduğu məqsəd odur ki, komandamız gələn il Avropa kuboklarında iştirak etsin. Bizim üçün kubok önəmlidir. Azərbaycanda bu gün kişi voleybolu yüksək səviyyədədir. "Azərreyl", "Neftçi", "MOİK" və s. güclü komandalar var. Mövsüm bir az da çətin olacaq".
Qeyd edək ki, qadın voleybolçuların hazırda davam edən finalında "Gəncə" və "Abşeron" klubları üz-üzə gəlir.
Emin Ağa
İdman.biz
