Idman.biz
Həndbol üzrə Azərbaycan çempionatlarına yekun vurulub.
İdman.biz xəbər verir ki, bu gün son oyunlar baş tutub.
Qadınların I-IV yerlər uğrunda mübarizəsi "AHF Arena"nın meydançasında yekunlaşıb. "Kür" və "Azəryol" komandalarının görüşündə Mingəçevir təmsilçisi qalib gəlib - 26:24.
Məğlubiyyətə baxmayaraq, "Azəryol" çempion olub. "Qarabağ" 2-ci, "Kür" 3-cü yeri tutub.
Kişilərdən ibarət "Kür" isə son turda "Azəryol"a 34:33 hesabı ilə qalib gəlib. Mingəçevir klubunun çempion olduğu yarışda "Bakı" 2-ci, "Azəryol" 3-cü olub.
İdman.biz
