Idman.biz
"Azərbaycan çempionatı bitdikdən bir həftə sonra məşqlərə başladıq".
Bunu İdman.biz-ə Azərbaycan millisinin voleybolçusu Aynur İmanova deyib.
O, yığmamızın Qızıl Avropa Liqasına hazırlığını dəyərləndirib. İmanova bildirib ki, mayın 3-dən başlayan təlim-məşq toplanışı bu gündən Sloveniyada davam edəcək: "Burada yoldaşlıq matçlarımız olacaq. Oradan da mayın 25-də paytaxta qayıdıb Macarıstanla oyuna hazırlaşacağıq. Komanda olaraq məqsədimiz yaxşı oyun göstərərək irəli getməkdir".
Qeyd edək ki, millimiz ilk oyununu mayın 30-u Macarıstan millisinə qarşı keçirəcək.
Aytac Sahəd
İdman.biz
