Sport24.az
"Növbəti qələbə münasibətilə komandamı təbrik edirəm. Bu, bizim üçün mühüm qələbə idi". Sport24.az xəbər verir ki, bunu "Abşeron"un voleybolçusu Anastasiya Mertsalova Azərbaycan Yüksək Liqasının X turunda "Murov Az Terminal"la oyun (3:0) haqda federasiyanın mətbuat xidmətinə açıqlamasında deyib.
O, sonadək zirvədə qalmaq istədiklərini də vurğulayıb: "Bilirəm ki, bu "Murov Az Terminal" üçün də vacib oyun idi. Onlar da yarımfinal uğrunda mübarizə aparırlar. Üçüncü setin sonları gərgin keçsə də, qələbə qazandıq. Qarşıda bizi 10 tur gözləyir. Çalışacağıq ki, liderliyi qoruyaq. Komandama uğurlar və yeni qələbələr arzulayıram".
Qeyd edək ki, X turun oyunlarından sonra "Abşeron" 26 xalla turnir cədvəlinin ilk pilləsində qərarlaşıb.
