Idman.biz
Zəfər Gününə həsr olunan stolüstü tennis turniri keçirilib.
İdman.Biz xəbər verir ki, bu barədə Azərbaycan Stolüstü Tennis Federasiyası məlumat yayıb.
Bildirilib ki, 2014-cü il və kiçik təvəllüdlü stolüstü tennisçilərin Zəfər Gününə həsr olunan Respublika turniri keçirilib.
"Şüa İdman Kompleksi"ndə təşkil olunan yarış maraqlı mübarizə ilə yadda qalıb. Nəticələrə əsasən, oğlanlar arasında Əliəkbər Mirzəliyev baş mükafata layiq görülüb. Həzrət Kamilov ikinci, Saleh Hümbətovla Kərim Camal üçüncü yeri tutub. Qızların yarışı Banu İmamverdizadənin qələbəsi ilə nəticələnib. O, finalda Yasəmən Həbibovaya qalib gəlib. Mehin Mirzəbalayeva ilə Nailə Nəzirova üçüncü olub.
Qeyd edək ki, fərqlənən idmançılara Azərbaycan Stolüstü Tennis Federasiyasının diplom və hədiyyələri təqdim olunub.
