Idman.biz
2025-ci ildə "Wimbledon" tennis turnirinin ümumi mükafat fondu 53,5 milyon funt sterlinq (təxminən 73 milyon dollar) təşkil edəcək.
İdman.biz xəbər verir ki, bu, rekord göstəricidir – ötən illə müqayisədə məbləğ 7% artıb.
Təklərin yarışında qaliblər 3 milyon funt sterlinq (təxminən 4 milyon dollar) mükafat alacaqlar. İlk mərhələdə məğlub olan tennisçilər isə 66 min funt sterlinq (təxminən 89 min dollar) qazanacaqlar ki, bu da ötən illə müqayisədə 10% çoxdur.
"Wimbledon"un əsas turnirinin oyunları iyunun 30-dan iyulun 13-dək keçiriləcək. Hazırkı çempionlar ispan Karlos Alkaras və çexiyalı Barbora Kreyçikovadır.
İdman.biz
