Idman.biz
"Böyük Dəbilqə"nin yeddiqat qalibi və dünyanın keçmiş 1-ci raketkası amerikalı tennisçi Vinus Uilyams 2025-ci ildə turnirlərdə iştirak edib-etməyəcəyi ilə bağlı suala konkret cavab verməyib.
İdman.biz bildirir ki, "US Open 2025"də 45 yaşlı Uilyams kanadalı Leyla Fernandeslə cütlərin yarışında 1/4 finaladək yüksəlib. Burada onlar Katerina Sinyakova (Çexiya) / Teylor Taunsend (ABŞ) duetinə uduzublar - 1:6, 2:6.
"Bir neçə öhdəliyim var, qarşıdakı həftələrdə məni bəzi yerlər gözləyir. Mən bu məsələlərə çox ciddi yanaşıram, heç vaxt onlardan imtina etməyəcəyəm. Əgər fürsət olsa, bu il yenidən oynamağa ümid edirəm, amma həqiqətən bilmirəm", - Ullyams bildirib.
İdman.biz
