Idman.biz
Amerikalı tennisçi Artur Lind və avstraliyalı Henri Yanq tennis tarixinin ən yaşlı oyunçuları arasında keçirilən matçda üz-üzə gəliblər.
İdman.Biz xəbər verir ki, bu barədə Beynəlxalq Tennis Federasiyasının (ITF) mətbuat xidməti məlumat yayıb.
Onlar matç iştirakçılarının yaşı baxımından yeni rekord müəyyənləşdiriblər.
102 yaşlı Yanq və 97 yaşlı Lind Xorvatiyanın Bol şəhərində keçirilən ITF Dünya Çempionatının "90+" yaş kateqoriyasında baş tutan 1/4 final oyununda qarşılaşıblar. Daha gənc tennisçi Artur Lind görüşü 6:1, 6:2 hesabı ilə qalib başa vurub.
Qeyd edək ki, 2023-cü ildə Henri Yanq ITF Dünya Turunda 100 yaşında çıxış edən ilk tennisçi olmuşdu. O, həmin vaxt Mayorkada keçirilən təkbətək turnirdə iştirak etmişdi.
