İdman.biz
Bu gün Latviyanın paytaxtı Riqada stolüstü tennis üzrə "Riga City Council"s Youth Cup" beynəlxalq turnirinə start verilib.
İdman.biz xəbər verir ki, seçmə komandamız Riqa sınaqlarına geniş heyətlə qatılıb.
Baş məşqçi Fərhad İsmayılov, məşqçilər Mehman Səmədov, Rza Mirzəyev, Billurə Eminova və Məryəm İmanovanın rəhbərliyi ilə Latviyaya 16 idmançı yollanıb. Tahir Qubadov, Toğrul Məhəmmədov, Xədicə Əbilzadə, Səbinə Məmmədova, Nigar Mahmudova U-19, Tunar Bağırov, Uğur Nəzərli, Şəbnəm Mansurova, Mələk Əhmədzadə, Xədicə Eylazova U-15, Onur Quluzadə, Şakir Qədirov, Yağmur Məmmədli, Banu Baytallı U-13, Mehri Aslanzadə ilə Əliəkbər Mirzəliyev isə U-11 yaş dərəcəsində mübarizə aparacaq.
Qeyd edək ki, beynəlxalq yarışa oktyabrın 27-də yekun vurulacaq.
İdman.biz
