Idman.biz
İslam Həmrəyliyi Oyunlarında iştirak edəcək stolüstü tennisçilər bu gün yarışın təşkil olunduğu Səudiyyə Ərəbistanına yola düşüblər.
İdman.Biz bildirir ki, Ər-Riyad sınaqlarında seçmə komandanın 6 idmançısı mübarizə aparacaq.
Sayca 6-cı olan oyunlarda Mərziyyə Nurmətova, Zemfira Mikayılova, Aylin Əsgərova, Onur Quluzadə, Hilal Həsənov və Adil Əhmədzadə məşqçilər Elnur Hidayətzadə və Ramil Cəfərovun rəhbərliyi ilə bacarığını göstərəcək.
Qeyd edək ki, stolüstü tennis yarışları noyabrın 8-dən 13-dək keçiriləcək.
