Idman.biz
Dünyanın ikinci raketkası italyan tennisçisi Yannik Sinner yarımfinalda serb Novak Cokoviçə 6-4, 6-2 hesabı ilə qalib gələrək "Six Kings Slam" sərgi turnirinin finalına yüksəlib.
İdman.Biz-in məlumatına görə, qarşılaşma 1 saat 3 dəqiqə çəkib.
Görüş zamanı Sinner heç bir ikiqat səhvə yol verməyib, on eys edib və üç breyk-poyntdan üçünü də reallaşdırıb. Cokoviç iki eys edib, heç bir ikiqat səhv etməyib və iki breyk-poyntdan heç birini reallaşdıra bilməyib.
"Six Kings Slam"ın finalında Sinner dünyanın birinci raketkası ispaniyalı Karlos Alkarasla qarşılaşacaq.
