Report.az
Beynəlxalq Tennis Bütövlüyü Təşkilatı (ITIA) rusiyalı Alana Tuaevanı danışılmış oyunlarda iştirak etdiyinə görə üç il doqquz ay müddətinə diskvalifikasiya edib.
"Report" xəbər verir ki, Tuaevanın diskvalifikasiyası 19 dekabr 2025-ci ildən qüvvədədir və 2029-cu il sentyabrın 18-də başa çatacaq.
Rusiyalı idmançı ona qarşı irəli sürülən bütün ittihamları, o cümlədən 2023 və 2024-cü illərdə iki turnirdə oyunların danışılmasında iştirak etdiyinə görə qayda pozuntularını etiraf edib.
Tuaevanın 26 yaşı var. Rus tennisçi 2025-ci ilin sentyabr ayında karyerasının ən yüksək dünya reytinqində 1282-ci yerə çatıb.
