Idman.biz
"Real Madrid", "İnter Milan" və Braziliya millilərinin keçmiş hücumçusu, dünya çempionu braziliyalı Ronaldo sosial mediada altıqat "Böyük Dəbilqə" çempionu və birinci raketka, ispaniyalı Karlos Alkarazla tennis məşqindən paylaşım edib.
İdman.Biz bildirir ki, braziliyalı eks-futbolçu qeyd edib ki, məşqdən sonra ona tibbi yardım göstərilib.
Ronaldo böyük tennis həvəskarıdır və tez-tez turnirlərə azarkeş kimi qatılır.
2025-ci ildə Alkaras iki "Böyük Dəbilqə" turnirini – "Rolan Garros" və "US Open"i, həmçinin üç "Masters" titulunu, o cümlədən üç "500+" titulunu qazanıb. O, "Uimbldon"un və ATP yekun çempionatının finallarında Yannik Sinnerə uduzub.
