Idman.biz
Beynəlxalq Tennis Dürüstlük Agentliyi (ITIA) çinli tennisçi Pan Jenlunu danışılmış oyunların təşkilində iştirakına görə 12 il müddətinə diskvalifikasiya edib.
İdman.Biz xəbər verir ki, məlumatı ITIA yayıb.
Öz növbəsində 25 yaşlı idmançı 2024-cü ilin may-sentyabr ayları arasında ümumilikdə 22 matçın nəticəsinin əvvəlcədən razılaşdırılmasında və ya buna cəhddə iştirak etdiyini etiraf edib.
O, dinləmədən imtina edərək tətbiq olunan sanksiyalarla razılaşıb.
Diskvalifikasiya ilə yanaşı, tennisçiyə 110 min dollar məbləğində cərimə kəsilib, bunun 70 min dolları şərti hesab olunur.
