Idman.biz
Azərbaycanın gənc stolüstü tennisçisi Onur Quluzadə yeni mövsümə uğurlu nəticə ilə başlayıb.
İdman.Biz xəbər verir ki, "WTT Youth Star Contender Tunis 2026" yarışında bacarığını göstərən istedadlı idmançı, U-15 yaş dərəcəsində baş mükafata layiq görülüb.
Seçmə komandanın üzvü, Tunisin eyni adlı paytaxtında keçirilən turnirin qoşa yarışlarında almaniyalı həmkarı Vanq Lukasla birgə bütün oyunları qələbə ilə başa vuraraq 1-ci yeri tutub.
Qeyd edək ki, şəxsi mübarizədə də inamla çıxış edən stolüstü tennisçi yarımfinal mərhələsinə yüksəlməklə ən azı bürünc mükafatı təmin edib.
