Report.az
Azərbaycanın oğlanlardan ibarət stolüstü tennis yığmasının üzvü Onur Quluzadə III MDB Oyunlarında birinci yer tutacaqlarına inanır.
"Report"un Qəbələyə ezam olunmuş əməkdaşının məlumatına görə bunu idmançı kişilər arasında komanda yarışının yarımfinalından sonra jurnalistlərə açıqlamasında deyib.
O, finaldakı rəqibinin daha güclü olacağını söyləyib:
"Yarış yaxşı keçir. Özbəkistandan olan rəqibim yaxşı idi. Amma sabah finalda daha güclü rəqiblə, rusiyalı tennisçi ilə qarşılaşacağam. İnanıram ki birinci yeri tutacağam"
Qeyd edək ki, Azərbaycanın kişilərdən ibarət stolüstü tennis yığması yarımfinalda Özbəkistanı 2:0 hesabı ilə məğlub edərək finala yüksəlib. Komanda həlledici görüşdə Rusiya ilə üz-üzə gələcək.
