Idman.biz
Dünyanın keçmiş birinci raketkası Novak Cokoviç niyə tennis oynamağa davam etdiyini açıqlayıb.
İdman.biz bildirir ki, Cokoviç "Böyük Dəbilqə" turnirlərinin 24-qat qalibidir.
"Dünyanın iki ən yaxşı oyunçusuna uduzduğum görüşləri nəzərə almasaq, mən "Böyük Dəbilqə" turnirlərində çox yaxşı oynadığımı düşünürəm. Bu, mənim səviyyəm və sabitliyim haqqında çox şey deyir və əlbəttə ki, buna sevinirəm. Amma içimdə həmişə ən yaxşı olmaq istəyən bir qalib var. 20 illik idman karyeramda çox yaxşı anlar yaşamışam.
Bəli, dünyanın ən güclü oyunçularına böyük matçlarda uduzmaq məyusedicidir, amma bu məni dayandırmır. Mən yalnız mükafatlar üçün tennis oynamıram. Davam etməyimin başqa səbəbləri də var. Onlardan biri də bütün dünyada aldığım sevgi və dəstəkdir. Böyük turnirlərdə iştirakımla tennisin bir idman növü kimi inkişafına kömək edəcəyinə ümid edirəm. Bu məni motivasiya edir. Hər dəfə korta çıxanda və adımı səsləndirildiyini eşidəndə təsirlənirəm. Bu, gözəl hissdir", - tennisçi deyib.
