Sport24.az
Serbiyalı tennisçi Novak Cokoviç Çempionlar Liqasının finalında hansı komandaya azarkeşlik edəcəyini söyləyib. Sport24.az xəbər verir ki, o, bu barədə "RMC Sport"a açıqlama verib.
"Heç şübhəsiz ki, PSJ-yə. Çünki mən "Milan"ın böyük azarkeşiyəm, baxmayaraq ki, "İnter"ə hörmət edirəm".
Çempionlar Liqasının yarımfinalında PSJ "Arsenal"ı ümumi hesabda 3:1, "İnter" isə "Barselona"nı 7:6 hesabı ilə məğlub edib.
Qeyd edək ki, PSJ və "İnter" turnirin həlledici mərhələsinə yüksəlib. Fransa və İtaliya klubları arasında görüş sabah Münhendə baş tutacaq. Oyun Bakı vaxtı ilə saat 23:00-da start götürəcək.
