Idman.biz
Altıqat "Böyük Dəbilqə" çempionu və dünyanın birinci raketkası, ispan tennisçi Karlos Alkaras üç ildə ikinci dəfə Stefan Edberq adına "Ədalətli oyun" mükafatına layiq görülüb.
Bu barədə İdman.Biz ATP mətbuat xidmətinə istinadən məlumat verir.
Alkaras namizədlik uğrunda kanadalı Feliks Oje-Alyassimi, bolqar Qriqor Dimitrovu və norveçli Kasper Rudu qabaqlayıb. Namizədlər Beynəlxalq Tennis jurnalistləri Assosiasiyasının (ITWA) səsverməsi ilə müəyyən edilib və ilk dəfə olaraq qalib dünyanın birinci reytinqinə yüksəlmiş 29 hazırkı və keçmiş oyunçu tərəfindən seçilib.
22 yaşlı ispaniyalı ilk dəfə bu mükafatı 2023-cü ildə qazanıb, mövsümü ATP reytinqində birinci yerdə başa vurub. 2025-ci il mövsümündə Karlos iki "Böyük Dəbilqə"ni - "Rolan Qarros" və "US Open"I, həmçinin üç "Masters" yarışını və üç "500"lük turniri qazanıb.
