Idman.biz
Dünyanın birinci raketkası ispaniyalı tennisçi Karlos Alkaras Səudiyyə Ərəbistanının Ər-Riyad şəhərində keçirilən "Six Kings Slam" sərgi turnirində finala yüksəlib.
İdman.Biz-in məlumatına görə, ispaniyalı yarımfinal görüşündə amerikalı tennisçi Teylor Fritsi 6-4, 6-2 hesabı ilə məğlub edib.
Tennisçilərin qarşılaşması 1 saat 10 dəqiqə davam edib. Qarşılaşma zamanı Alkaras altı eys yerinə yetirib, bir ikiqat səhvə yol verib. Teylor Frits üç eys yerinə yetirib, üç ikiqat səhv edib.
"Six Kings Slam" sərgi turnirinin finalında Karlos Alkaras serbiyalı Novak Cokoviç və italiyalı Yannik Sinner arasında keçirilən görüşün qalibi ilə qarşılaşacaq.
