Idman.biz
Altıqat "Böyük Dəbilqə" çempionu və dünyanın birinci raketkası, ispan tennisçi Karlos Alkaras, hazırda İtaliyanın Turin şəhərində keçirilən ATP Yekun çempionatının yarımfinalına vəsiqə qazanıb.
İdman.Biz-in məlumatına görə, Alkaras turnirdə Cimmi Konnorsun qrupuna düşüb.
O, qrupda iki qarşılaşmada qalib gəlib. Bu gün, 13 noyabrda Karlos qrup mərhələsinin son görüşünü italiyalı Lorenzo Musetti ilə keçirəcək. Hər hansı nəticə ispan tennisçinin yarımfinala yüksəlməsinə mane olmayacaq.
Lakin, Alkaras-Musetti matçının nəticəsi Karlosun qrupdan birinci, yoxsa ikinci yerdə irəliləyəcəyini müəyyən edəcək.
Əgər Alkaras axşam matçında Musettiyə hər hansı bir hesabla qalib gələrsə, o, Konnorsun qrupunun lideri kimi pley-offa yüksələcək. Əgər Musetti Alkarası hər hansı bir hesabla məğlub edərsə, bu qrupdan Lorenzo (birinci yerdə) və Karlos (ikinci yerdə) yarımfinala vəsiqə qazanacaqlar.
