Lent.az
Fevralın 2-də "Şüa" İdman Kompleksində Gənclər və İdman Nazirliyi və Azərbaycan Stolüstü Tennis Federasiyasının birgə təşkilatçılığı ilə dövlət qurumlarının əməkdaşları arasında stolüstü tennis yarışı keçirilib.
Fövqəladə Hallar Nazirliyinin mətbuat xidmətindən Lent.az-a bildirilib ki, yarışda 15 dövlət qurumundan əməkdaşlar öz qüvvələrini sınayaraq əzmkar mübarizə aparıblar.
Yarışda iştirak edən Fövqəladə Hallar Nazirliyinin kişilərdən ibarət komandasının üzvləri yüksək nəticələr əldə etməyi bacarıblar. Belə ki, Xüsusi Riskli Xilasetmə Xidmətinin əməkdaşı gizir Əli Bayramov bütün rəqiblərinə qalib gələrək yarışın ən yüksək pilləsinə qalxıb və qızıl medalın sahibi olub. Bundan əlavə, komandanın digər üzvü Dövlət Yanğından Mühafizə Xİdmətinin əməkdaşı daxili xidmət baş çavuşu Vüqar İbrahimov isə bürünc medal qazanaraq üçüncü pillədə qərarlaşıb.
Fevralın 3-də İdman-sağlamlıq klubunun rəisi polkovnik Füzuli Musayev yarışda iştirak edən əməkdaşlarla görüşərək onları qazandıqları nailiyyətlərə görə təbrik edib, gələcək yarşlarda uğurlar arzulayıb.
