İdman.biz
İtaliyalı tennisçi Yannik Sinner Six Kings Slamda çıxışına görə tənqidlərə cavab verib.
İdman.biz xəbər verir ki, dünyanın 1 nömrəli tennisçi pula görə yarışda iştirak etmədiyini bildirib.
Sinner Səudiyyə Ərəbistanında keçirilən şou xarakterli turnirdə dünyanın ən yaxşı tennisçiləri ilə qarşılaşmaq imkanı qazandığını deyib: "Mən pula görə oynamıram. Hər şey sadədir. Əlbəttə, yaxşı mükafat fondu idi, amma mən oraya dünyanın 6 ən yaxşı tennisçisi ilə oynamaq və öz gücümü yoxlamaq üçün getmişdim. Yaxşı təşkil olunmuş turnir idi".
Qeyd edək ki, Six King Slamda Sinnerlə yanaşı Novak Cokoviç, Rafael Nadal, Karlos Alkaras, Daniil Medvedyev və Holqer Rune çıxış edib. Turnirin qalibi 6 milyon dollar, digər iştirakçıların isə 1,5 milyon dollar qazandığı bildirilib.
İdman.biz
