Idman.biz
Serbiyalı tennisçi Novak Cokoviç karyerasını 2028-ci il Los-Anceles Olimpiya Oyunlarında iştirak məqsədilə davam etdirmək istədiyini açıqlayıb.
İdman.Biz xəbər verir ki, 38 yaşlı Cokoviç 24 qat "Böyük Dəbilqə" çempionu və 2010-cu il Devis Kubokunun qalibidir. O, 2024-cü il Paris Olimpiadasında təkbətək yarışlarda qızıl medal qazanıb.
"2028-ci il Olimpiadasında oynamaq istəyirəm. Bu Olimpiada mənim üçün yol göstəricidir. Heç bir məhdudiyyət yoxdur. Yarışmağı sevirəm və özümü yaxşı hiss etdiyim, bədənim buna tab gətirə bildiyi və yüksək səviyyədə oynadığım müddətcə niyə də olmasın? Uzunömürlülük yalnız idmanla bağlı deyil, həm də bədəninizi, zehninizi, enerjinizi və vaxtınızı necə qorumağınızla bağlıdır. Billi Cin Kinq bir dəfə demişdi: "Təzyiq bir imtiyazdır". Mən həmişə gözləntiləri doğrultmaq istəmişəm. Buna görə də hələ də burada olduğum üçün minnətdaram", - deyə Cokoviç "Punto de Break"ə bildirib.
Cokoviç karyerasında təkbətək yarışda 101 ATP titulunu qazanıb və rekord həddə - 428 həftə ərzində dünyanın bir nömrəli reytinqində yer alıb.
