Idman.biz
Altıqat "Böyük Dəbilqə" qalibi və dünyanın keçmiş birinci raketkası almaniyalı Boris Bekker 2022-ci ildə Böyük Britaniya həbsxanasında səkkiz ay qalmasından danışıb.
İdman.biz bildirir ki, 2022-ci ilin aprelində Bekker maliyyə fırıldaqçılığına görə London məhkəməsi tərəfindən iki il yarım müddətinə azadlıqdan məhrum edilib. O, ümumilikdə dəmir barmaqlıqlar arxasında 231 gün keçirib və vaxtından əvvəl azad edilərək Almaniyaya deportasiya edilib.
"O andan heç vaxt tam sağalmayacağam. Həbsxanaları mühafizəçilər yox, məhbuslar idarə edir. Dörd həftəyə 7 kilo arıqladım. Stress, yemək yox, şirniyyat yox, spirt yox... Kamerada şaxtalı soyuq idi, kabus idi. İdman kostyumunda, iki gödəkçədə, iki corabda, başımda dəsmal ilə yatdım.
Qumar oynamaq axmaqlıq və ehtiyatsızlıq idi və mənim rumın məhbuslara 700 avro borcum var idi. Sonra kamerama gəlib pulu verməsəm məni döyməklə hədələdilər. Borcu köçürmə yolu ilə ödəyən dostumun köməyi olmasaydı, bu gün başqa bir insan olardım. Bu təcrübə mənə çox təsir etdi. Mən bu xatirəni ömrümün sonuna qədər saxlayacağam", - Bekker deyib.
İdman.biz
