Report.az
Stolüstü tennis üzrə Azərbaycan çempionatının komanda yarışlarında qaliblər müəyyənləşib.
Bu barədə "Report"a Stolüstü Tennis Federasiyasının mətbuat xidmətindən məlumat verilib.
"Şüa" İdman Kompleksində davam edən ölkə çempionatında kişilərin mübarizəsində "Bakı-1" komandası qalib olub. "Bakı-2" ikinci, "Bakı-3" və "Şabran" kollektivləri üçüncü yeri tutub.
Qadınların yarışında isə "Sumqayıt-1" komandası bütün rəqiblərini üstələyib. "Bakı-1" ikinci, "Bakı-2" və "Sumqayıt-2" komandaları üçüncü olub.
Çempionatın növbəti günlərində idmançılar şəxsi, qoşa və qarışıq-qoşa növlərdə bacarıqlarını göstərəcəklər.
Qeyd edək ki, yarışa mayın 17-də yekun vurulacaq.
