Lent.az
"Çelsi", "Real" və "Bavariya"nın keçmiş qanad oyunçusu Aryen Robben 2021-ci ildə "Qroninqen"də karyerasını başa vurub və altı ay sonra məşqçiliyə başlayıb. Hələlik o, yalnız gənclər komandalarında çalışır, daha yüksək səviyyəli məşqçiliyə cəhd etmir.
Lent.az xarici KİV-ə istinadla bildirir ki, 41 yaşlı hollandiyalı bu yaxınlarda yeni bir hobbi tapıb – padel tennis oynamaq. Bu idman növü son bir neçə ildə populyarlıq baxımından xeyli artıb. Qazon Tennis Assosiasiyası onu 25 milyon oyunçusu olan "dünyanın ən sürətlə böyüyən idman növü" kimi tanıyıb.
Onlardan biri Aryen Robbendir. Onun padelə olan həvəsi "Bavariya"da oynadığı dövrdə yaranıb. "Almaniyada olanda həftədə üç dəfə oynayırdım", - keçmiş cinah oyunçusu bildirib.
Hollandiyalı oyunçu oyununu təkmilləşdirib və hətta yayın sonunda ilk peşəkar reytinq xallarını qazanıb. O və ortağı Verner Lutsma FIP Bronze Westerbork turnirinin əsas püşkatmasına vəsiqə qazansalar da, 1/8 finalda mübarizəni dayandırıblar.
Aryen Robben hazırda dünya padel reytinqində 1980-ci yerdədir. O, həmçinin vaxtaşırı marafonlarda iştirak edir və rekordunu ildən-ilə artırır.
