Idman.biz
Dördqat "Böyük Dəbilqə" çempionu və dünyanın bir nömrəli raketkası, belaruslu tennisçi Arina Sabalenka sosial şəbəkədəki şəxsi səhifəsində rəfiqəsi ilə fotosunu yerləşdirib.
İdman.Biz-in məlumatına görə, bu iki qadın BƏƏ-nin Dubay şəhərində şam yeməyinə qatılıblar. Onlar fotokamera qarşısında müxtəlif pozalarda şəkil çəkdiriblər.
2025-ci ildə Arina Sabalenka daha bir turnirdə mübarizə aparacaq: noyabrın 1-dən 8-dək Səudiyyə Ərəbistanının Ər-Riyad şəhərində keçiriləcək WTA yekun çempionatı. Bu mövsüm belaruslu ABŞ Açıq Çempionatının (US Open), ABŞ-ın Mayami və İspaniyanın Madrid şəhərində keçirilən "minlik", həmçinin Avstraliyanın Brisben şəhərində keçirilən "beş yüzlik" turnirlərin qalibi olub.
O, bütün mövsümü dünya reytinqinin lideri kimi keçirib. Yekunda göstərdiyi nəticədən asılı olmayaraq, Sabalenka ili dünyanın bir nömrəli raketkası kimi başa vuracaq.
