Idman.biz
Dünyanın birinci raketkası, belaruslu Arina Sabalenka psixoloqla işləmək təcrübəsindən danışıb.
İdman.biz bildirir ki, "US Open 2025"in qalibi psixi sağlamlığın çox vacib olduğunu qeyd edib.
"Artıq 4-5 ildir ki, psixoloqla işləyirəm. İlk vaxtlar o, mənə çox kömək etdi, xüsusən də səy göstərsən, vaxtını və həyatını xəyallarına həsr etsən, hər şeyin mümkün olduğunu başa düşməkdə.
Sonra anladım ki, mən ondan çox asılıyam. Fikirləşdim: "Yaxşı, o, məni dəyişməlidir, mənə cavab verməlidir". Hərəkətlərimə görə məsuliyyət daşımırdım. Mən dəfələrlə eyni səhvləri edirdim və o, mənə kömək etmədiyinə görə qəzəbləndim", - Sabalenka deyib.
"US Open 2025"in finalında amerikalı Amanda Anisimovaya qalib gələn belaruslu tennisçi ikinci dəfə dalbadal bu nüfuzlu turnirin qalibi olub.
İdman.biz
