Idman.biz
Ardıcıl 26-cı ildir ki, amerikalı tennisçi ATP Yekun çempionatının qalibi olmayacaq.
İdman.Biz bildirir ki, builki ATP Yekun çempionatında dünyanın altıncı raketka, amerikalı Teylor Frits yarımfinala çıxa bilməyib. Bundan əvvəl, başqa bir amerikalı Ben Şelton yarımfinala çıxmaq şansını itirmişdi.
ATP Yekun çempionatında sonuncu dəfə amerikalı 1999-cu ildə qalib gəlib. Bu, finalda həmyerlisi Andre Aqassini 6-1, 7-5, 6-4 hesabları ilə məğlub edən əfsanəvi Pit Sampras idi.
Qeyd etmək lazımdır ki, keçən il Frits amerikalıların məğlubiyyət seriyasına son qoymaq şansına malik idi. Lakin Teylor finalda Yannik Sinnerə 4-6, 4-6 hesabı ilə uduzdu.
