Sport24.az
İkiqat "Böyük Dəbilqə" çempionu və dünyanın 3-cü raketkası, amerikalı tennisçi Kori Qauff 2025-ci ilin ən çox qazanan qadın idmançısı olub. Sport24.az "Sportico"ya istinadən xəbər verir ki, o, il ərzində 31 milyon dollar qazanıb. Bunun 23 milyon dolları sponsorluq müqavilələrindən əldə edilib.
İkinci yeri "Böyük Dəbilqə"nin dördqat qalibi və dünyanın 1-ci raketkası, belaruslu Arina Sabalenka (31 milyon dollar) tutub.
"İlk üçlüyü" isə altıqat "Böyük Dəbilqə" çempionu və dünyanın 2-ci raketkası, polşalı İqa Şventek (23,1 milyon dollar) tamamlayıb.
Qeyd edək ki, ən çox qazanan qadın idmançıların top "15-liyi"nə 10 tennisçi daxildir.
