İdman.biz
Bu gün səhər saatlarında Abşeron rayonunun Novxanı kəndində fərdi yaşayış evində partlayış baş verib.
İdman.biz "Report"a istinadən xəbər verir ki, mərhum şahmat ustası Vüqar Həşimovun ata evində baş verən partlayış mənzildə dağıntıya səbəb olub.
Fövqəladə Hallar Nazirliyinin xilasediciləri tərəfindən dağıntılar altından iki nəfər – Qasım Həşimov və Aidə Həşimova sağ çıxarılıb.
Hadisə nəticəsində Vüqar Həşimovun həmin evdə olan fotosu da zərər görüb.
Qeyd edək ki, Vüqar Həşimov Azərbaycan şahmat millisinin üzvü olub. O, 2009-cu ildə yığmamızla Avropa çempionu adını qazanıb. Qrossmeyster millimizə qitə çempionluğu titulunu gətirən qələbəyə imza atıb. Həşimov 2014-cü ildə, 28 yaşında beyin xərçəngindən dünyasını dəyişib.
İdman.biz
