Idman.biz
Amerikalı qolf əfsanəsi Tayger Vuds bel yırtığı səbəbiylə əməliyyat keçirməli olduğunu açıqlayıb.
İdman.Biz xəbər verir ki, bu, Vudsun yeddinci bel əməliyyatı olub.
"Belimdə ağrı və sərtlik hiss etdikdən sonra testlər aparmaq üçün həkim və cərrahlarla məsləhətləşdim. Skanlar L4/5-də çökmüş disk, disk parçaları və onurğa kanalının zədələnməsini aşkar etdi.
Mən diskimi dəyişdirmək qərarına gəldim və artıq bilirəm ki, sağlamlığım və kürəyim üçün düzgün qərar vermişəm", - Vuds sosial media hesabında yazıb.
Bu, Tayger Vudsun bir ildə ikinci əməliyyatı olub, o, mart ayında sol ayağındakı Axilles vətərini qopduqdan sonra əməliyyat olunub.
Vuds 2014-cü ilin aprelində yeddi bel əməliyyatından birincisini keçirib.
