NBA-nın keçmiş ulduzu Çarls Barkli "Los-Anceles Leykers"in lideri Lebron Ceymsin qolfla yalnız indi maraqlanmağa başlamasına təəccübünü gizlətməyib. Veteran basketbolçu artıq uzun illərdir ki, qolf oynadığını və bu idmanı həyatının vacib hissəsi hesab etdiyini deyib.
"Başa düşmürəm, niyə Lebrona bu qədər vaxt lazım oldu. Qolf mənim həyatımda gördüyüm ən maraqlı şeydir. Basketboldan yorulurdum, çünki mövsüm çox gərgin keçir. Mənə fasilə lazım idi. Amma qolfda heç vaxt yorğunluq hiss etmirəm," — deyə Barkli "The Smylie Show" podkastında bildirib.
Onun sözlərinə görə, bu idmanın cazibəsi məhz müxtəliflikdədir: "Hər meydança bir-birindən fərqlidir, hər gün yeni nəsə gətirir. Ona görə də qolf həqiqətən də adamı özünə cəlb edir."
