Qarabağ FK
"Qarabağ" akademiyasının U-9 və U-14 komandaları "Junior World Cup"da iştirak ediblər. Türkiyənin Antalya şəhərində təşkil olunan yarışda hər iki komandamız 5-ci yeri tutub.
U-9 qrup mərhələsində "Kentyıldız"a 1:2 (Abdullah İsgəndərli) hesabı ilə uduzduqdan sonra "Karagümrük"ə 1:0 (Luke Villiam Reç) və "Antalya Karması"na 2:0 (Nihat Şükürov,
Rəfael Kərim) hesabı ilə qalib gəlib. A qrupunun son turunda "Torbalıgücü"nə 2:5 (Abdullah İsgəndərli, Yavuz Elma) hesabı ilə uduzan komandamız 5-8-ci yerlər üçün mübarizə aparmalı olub. "Gönyeli"ni 4:0 (Luke Villiam Reç - 2, Abdullah İsgəndərli, Rəfael Kərim), "Göktürksaray"ı 4:1 (Luke Villiam Reç, Yavuz Elma, Nihat Şükürov, Rəfael Kərim) hesabı ilə məğlub edən "Qarabağ" 5-ci yeri tutub.
B qrupunda çıxış edən U-14 "Dikilitaş"a 8:0 (Daniil Rəcəbov – 3, Yunis İsmayılov – 2, Məhəmməd Məmmədov, Xalid Huşənov, Əhəd Hacızadə), "Özerspor"a 2:0 (Daniil Rəcəbov – 2) hesabı ilə qalib gəlib. Qazaxıstan təmsilçisi OINA ilə qolsuz heç-heçədən sonra qrupda 1-ci olan komandamız 1/4 finalda "Hatay Altingenclik" komandasına 1:3 (Murad İsmayılov) hesabı ilə uduzub. "Qarabağ" 5-ci yer uğrunda oyunda "Özerspor"u 3:2 (Cavidan Əlizadə - 2, Arda Əzizli) məğlub edib.
