Qarabağ FK
"Qarabağ" sabah növbəti oyununu keçirəcək. Komandamız Misli Premyer Liqasının XXXV turunun matçına çıxacaq.
Qurban Qurbanovun yetirmələri turun ilk günündə "Turan Tovuz"la görüşəcək. Tofiq Bəhramov adına Respublika Stadionunda baş tutacaq qarşılaşma rəqiblər arasında 8-ci duel olacaq.
"Qarabağ" bunadək keçirilən 7 oyunun 6-da qalib gəlib. Bir matçda heç-heçə edən komandamız 19 qol vurub və 6-nı buraxıb. İndiyədək məğlub olmayan "Qarabağ" hər görüşdə 2 və ya daha çox qola imza atıb.
4-cü dəfə "Turan Tovuz"u qəbul edəcək "Qarabağ" evdəki qarşılaşmaların hamısında qələbə qazanıb. Öz meydanında keçirdiyi hər görüşdə 3 qol vuran komandamız ümumilikdə 9 topa imza atıb və yalnız birini buraxıb.
Qeyd edək ki, mayın 17-də Tofiq Bəhramov adına Respublika Stadionunda keçiriləcək matç saat 20:30-da başlayacaq.
20.10.2022. Qarabağ - Turan Tovuz - 3:0
09.11.2022. Turan Tovuz – Qarabağ - 0:2
25.01.2023. Turan Tovuz – Qarabağ - 2:3
28.05.2023. Qarabağ - Turan Tovuz - 3:1
13.08.2023. Qarabağ - Turan Tovuz - 3:0
20.10.2023. Turan Tovuz – Qarabağ - 2:2
17.03.2024. Turan Tovuz – Qarabağ - 1:3
