Qarabağ FK
"Kəpəz" - "Qarabağ" – 0:0
"Qarabağ" növbəti oyununu keçirib. Komandamız Misli Premyer Liqasının XXVII tur matçında "Kəpəz"in qonağı olub.
Baş məşqçimiz Qurban Qurbanov bu görüşdə aşağıdakı start heyətinə şans verib: 1. Şahrudin Məhəmmədəliyev (k), 24. Aleksey İsayev, 13. Bəhlul Mustafazadə, 27. Toral Bayramov, 90. Nəriman Axundzadə, 81. Kevin Medina, 66. Patrik Andrade, 9. Kadi Borqes, 2. Mateus Silva, 21. Aleksey Kaşuk, 11. Emmanuel Addai.
Tovuz şəhər stadionunda təşkil olunan oyunun startından etibarən futbolçularımız nəzarəti ələ keçiriblər. Meydanın rəqibə aid hissəsində paslaşan komandamız aramsız hücumlarla qol axtarışında olub. Kadi Borqes, Kevin Medina və Emmanuel Addainin ifasında bir neçə real qol şansı yaransa da, bundan faydalanmaq mümkün olmayıb.
İkinci hissə də eyni ssenaridə keçib. Komandamız təhlükəli həmlələrlə yadda qalıb. Lakin meydan sahibləri də müdafiədə etibarlı oynayıblar. Nəticədə qarşılaşma qolsuz bərabərliklə başa çatıb – 0:0.
Çempionata liderlik edən komandamız bu heç-heçədən sonra xallarının sayını 64-ə çatdırıb.
Qeyd edək ki, "Qarabağ" ölkə çempionatında növbəti oyununu martın 28-də səfərdə "Turan Tovuz"a qarşı keçirəcək.
