Qarabağ FK
Komandamızın futbolçusu Toral Bayramov Azərbaycanda 2024-cü ilin ən yaxşı futbolçusu seçilib. 23 yaşlı müdafiəçi "Futbol+" qəzetinin keçirdiyi ənənəvi sorğunun qalibi olub.
180 respondentin qatıldığı səsvermədə yığma, klub məşqçiləri, kapitanlar, mətbuat katibləri, jurnalistlər, ölkənin futbol rəhbərliyi, mütəxəssislər, agentlər, AFFA nümayəndələri və sorğunun əvvəlki qalibləri iştirak ediblər. Bayramov səsvermədə 371 xal toplayaraq hamını qabaqlayıb. İkinci yeri də komandamızın futbolçusu tutub. 45 xal geri qalan Elvin Cəfərquliyev 326 xalla 2-ci olub.
Qeyd edək ki, Bayramov il ərzində müxtəlif turnirlər çərçivəsində, milli və klubda 62 oyunda 3910 dəqiqə meydanda olub, 20 qol və 10 məhsuldar ötürməyə imza atıb.
