top
Rusiyanın sabiq futbolçusu Dmitri Yefremov: “Sabah” çempionlar liqasında “Barselona”ya qalib gələ bilər, məğlubedilməz komanda yoxdur” - MÜSAHİBƏ Idman.biz
29 oktyabr 2026, 17:55
- ↺ +

Rusiyanın sabiq futbolçusu Dmitri Yefremov: “Sabah” çempionlar liqasında “Barselona”ya qalib gələ bilər, məğlubedilməz komanda yoxdur” - MÜSAHİBƏ

"Kağız üzərində favorit "Barselona" olsa da, "Sabah"ın qələbə qazanmaq şansı var. Çünki məğlubedilməz komanda yoxdur".

Bunu AZƏRTAC-a müsahibəsində Rusiyanın ÇSKA (Moskva) komandasının sabiq futbolçusu, hazırda isə Media Liqasında oynayan Dmitri Yefremov deyib.

31 yaşlı yarımmüdafiəçi karyerasının yaddaqalan məqamları, ÇSKA-nın "Real Madrid" üzərində qazandığı qələbələr, Azərbaycan futbolu, "Qarabağ" və "Sabah" klublarının avrokuboklardakı çıxışları, eləcə də məşqçilik fəaliyyəti barədə sualları cavablandırıb.

– Karyeranız ərzində müxtəlif klublarda, o cümlədən Moskva ÇSKA-sında çıxış etmisiniz. Karyeranızın ən əlamətdar dövrü hansıdır? Geriyə baxanda dəyişmək istədiyiniz məqamlar varmı?

– Konkret bir dövrü seçmək çətindir. Çünki karyeramın hər mərhələsində maraqlı hadisələr və uğurlar olub. ÇSKA-ya ilk gəlişim, titullar, çempionluqlar, kuboklar və UEFA Çempionlar Liqasında debütlə yadda qalıb. Daha sonra bir il müddətinə Çexiyaya köçdüm, "Slovan"la UEFA Avropa Liqasında debüt etdim və Çexiya çempionatında üçüncü yeri tutduq. "Orenburq"da çıxış etdiyim dövrdə bu komandanın Rusiya Premyer Liqasındakı ilk qolunun müəllifi oldum. Həmin komanda ilə I Liqada çempionluq yaşadıq. ÇSKA-ya qayıtdıqdan sonra isə Rusiya Superkubokunu qazandım. Bu qədər maraqlı məqam arasından yalnız birini seçmək çox çətindir.

Nəyisə dəyişmək istərdimmi? Yəqin ki, yox. Çünki başqa cür davransaydım, həyatım da fərqli istiqamətdə inkişaf edə bilərdi. Çarpaz bağlarımı zədələdiyim vaxtdan iki həftə sonra həyat yoldaşımın hamilə olduğunu öyrəndim. Bir il əvvəl mənə təklif olunan müqaviləni imzalasaydım, nələrin baş verəcəyini heç kim bilə bilməzdi. Buna görə də keçmişə nəzər salmağın mənası yoxdur.

– Bu zədə gələcək karyeranıza necə təsir etdi?

– Mənə müqavilə təklif ediləndə heç kim bir il sonra çarpaz bağlarımı zədələyəcəyimi bilmirdi. Zədədən sonra müqavilənin uzadılması məsələsi artıq gündəmdə deyildi. Bununla belə, ÇSKA bərpa prosesimə kömək etdi. Daha sonra ayaq biləyimin sınığı ilə nəticələnən zədə aldım. Həmin vaxt artıq ÇSKA-nın futbolçusu olmasam da, klub mənə yenə də dəstək oldu.

Zədələrin karyerama necə təsir etdiyini dəqiq deyə bilmərəm. Bəlkə də təsiri olub, bəlkə də yox. Bu, mübahisəli və bir qədər fəlsəfi məsələdir. Ola bilsin, səbəb təkcə zədələr deyildi, başqa amillər də rol oynayıb.

– Mediafutbola keçməyinizin əsas səbəbi nə oldu?

– Mediafutbola keçəndə əsas istəyim sadəcə futbol oynamaq və evdə olmaq idi. Həmin vaxt "Amkal" Rusiya Kubokunda peşəkar komandalarla qarşılaşırdı. Özümü yaxşı tərəfdən göstərmək və böyük ambisiyaları olan yaxşı bir komandaya düşmək istəyirdim.

Peşəkar liqada karyeramı davam etdirmək imkanlarım da var idi. Hətta Media Liqasında oynadığım müddətdə peşəkar klublardan təkliflər alırdım. Ancaq bəzən insan üçün rahatlıq daha vacib olur. Ailən, övladın varsa, yalnız öz istəyini deyil, ailən üçün nəyin daha yaxşı olacağını da düşünməlisən. Buna görə də Media Liqasında qalmağa qərar verdim.

– Gələcəkdə peşəkar futbola məşqçi kimi qayıtmağı düşünürsünüzmü?

– Hazırda uşaq məşqçisi kimi fəaliyyət göstərirəm. Tezliklə məşqçilik lisenziyası almaq üçün müraciət edəcəyəm və bu istiqamətdə daha çox çalışacağam. Ümid edirəm ki, gələcəkdə Premyer Liqa klublarından birinin baş məşqçisi olacağam. Ancaq bu barədə danışmaq hələ tezdir. Təcrübə toplamalı, müvafiq lisenziyalar almalıyam.

– 2018-ci ildə ÇSKA-nın "Real Madrid" üzərində tarixi qələbələrinin iştirakçısı olmusunuz. Həmin oyunlarla bağlı hansı xatirələriniz qalıb? Dünyanın ən güclü klublarından birinə qarşı meydana çıxanda nə hiss edirdiniz?

– Təəssüf ki, yalnız bir oyunda iştirak etdim. Səfər matçına da getməli idim, amma mikrotravmam var idi və məni heyətə daxil etmədilər. Tam hazır olmayan futbolçunu səfərə aparmağın nə mənası var?

Əlbəttə, "Real Madrid"ə qalib gəlmək hər komandanın bacardığı iş deyil. Xüsusilə də UEFA Çempionlar Liqasında. Ən təəssüfləndirici məqam isə "Real Madrid"i iki dəfə məğlub etdikdən sonra qrupdan çıxa bilməməyimiz, hətta UEFA Avropa Liqasına da vəsiqə qazanmamağımız idi. Bu, təkcə azarkeşlər üçün deyil, bizim özümüz üçün də şok olmuşdu.

Belə oyunlarda həyəcanın olması normaldır. Əsas vəzifəmiz səhv etməmək və rəqibə qol imkanı yaratmamaq idi. Belə səviyyəli futbolçulara fürsət versən, onlar bundan istifadə edəcəklər. "Real Madrid" oyun ərzində əsasən topa nəzarət edirdi, çünki qol vurmağa ehtiyacı var idi. Bizim də hücumlarımız və qol imkanlarımız oldu. İqor Akinfeyev həmin oyunda çoxsaylı qurtarışlar etdi və qələbəmizdə, ilk növbədə, onun böyük rolu oldu.

– Azərbaycan futbolu haqqında nə bilirsiniz?

– Əslində, Azərbaycan futbolu haqqında geniş məlumatım yoxdur. Yeniyetmələrdən ibarət yığmamızın Azərbaycanla qarşılaşdığı oyunlar olub, hətta məğlub olduğumuz vaxtlar da var. Akademiyamızın futbolçularından biri də Azərbaycan yığmasında çıxış edirdi. Biz bir-birimizə qarşı oynamışıq.

– "Qarabağ" və "Sabah"ın avrokuboklardakı çıxışlarını izləmisiniz?

– Ümumilikdə, Azərbaycan futbolunu çox izləməmişəm və bu komandalar haqqında geniş məlumatım yoxdur. "Qarabağ"ın UEFA Çempionlar Liqasındakı çıxışlarından 2017-ci ildə "Roma" ilə keçirdiyi oyunu xatırlayıram. Bakıda baş tutan həmin qarşılaşmada "Qarabağ" hesabda irəlidə olmasına baxmayaraq, İtaliya təmsilçisi sonda 2:1 hesabı ilə qalib gəldi. Yadımdadır ki, oyun maraqlı və baxımlı keçmişdi.

"Sabah" haqqında isə bildiyim odur ki, Vasili Berezutski həmin komandada məşqçilik edib və klub onun rəhbərliyi altında tarixində ilk kubokunu qazanıb.

– "Sabah"ın UEFA Çempionlar Liqasındakı rəqiblərindən biri "Barselona"dır. Vaxtilə ÇSKA "Real Madrid"lə oyunda sensasiyaya imza atmışdı. Sizcə, Azərbaycan çempionu "Barselona"ya qarşı matçda oxşar uğuru təkrarlaya bilərmi?

– Ümumiyyətlə, hər komanda digərinə qalib gələ bilər. Kağız üzərində "Barselona" favorit olsa da, oyuna lazımi köklənməsə, "Sabah" isə meydana tam inamlı şəkildə çıxsa, niyə də olmasın? Biz də "Real Madrid"ə qarşı belə yanaşma ilə oynamışdıq.

Uşaq məşqçim həmişə deyirdi ki, xarakter və istək ustalığa qalib gəlir.

Bununla belə, düşünürəm ki, hazırkı "Barselona"ya qarşı mübarizə aparmaq çox çətin olacaq. Söhbət təkcə komandada yüksəksəviyyəli futbolçuların olmasından getmir. Məsələn, Lamin Yamal "Qızıl top" mükafatını qazanmadığı üçün çox istəkli olacaq və ilk oyundan etibarən özünü göstərməyə, növbəti "Qızıl top"a layiq olduğunu sübut etməyə çalışacaq.

Buna baxmayaraq, "Sabah"ın şanslarının olduğunu düşünürəm. Əsas məsələ komandanın özünə və "Barselona"ya qalib gələ biləcəyinə inanmasıdır. Məğlubedilməz komanda yoxdur.

Birev — ev elanları, mənzil, həyət evi, torpaq, ofis | Daşınmaz əmlak platforması
Qarabağ FK

Son xəbərlər

Digər
Bu gün, 10:55

UFC, Fransa döyüşçüsü Manon Fioro'nu dopinq testi nəticəsində 3 aylıq disqvalifikasiyaya cəlb etdi

Futbol
Bu gün, 10:47

Yuri Vernidub “Neftçi” Futbol Akademiyasının heyəti ilə görüşü

Futbol
Bu gün, 10:40

Alman mütəxəssisi Polşa millisini baş məşqçisi ola bilər

Digər
Bu gün, 10:39

Qazaxda 25 idman növünü əhatə edən idman festivalı keçirildi

Futbol
Bu gün, 10:20

FIFA keçmiş prezidenti Sepp Blatter, Canni İnfantinonun namizədliyini məhdudiyyətə görə qeyri-qanuni sayır

Qarabağ FK
Bu gün, 10:10

“‘Kəpəz’lə ‘Qarabağ’ matçının təyinatları açıqlanıb”

Futbol
Bu gün, 10:10

Mudrik: “Çelsi”yə transferdən əvvəl “Arsenal”da çıxış etmək arzusundaydım

Qarabağ FK
Bu gün, 10:00

Türkiyə klubları “Qarabağ”ın futbolçusu Marko Yankoviçə marağını itirmir

Futbol
Bu gün, 09:53

Sumqayıt – Sabah: Misli Premyer Liqası 12-ci turu

Futbol
Bu gün, 09:40

Tibo Kurtua Real-da 2028-ə qədər qalan müqavilə uzadılıb

Futbol
Bu gün, 09:38

Ever Baneqa 37 yaşında peşəkar futbol karyerasını başa vurdu

Futbol
Bu gün, 09:29

Kostas Tsimikas yayda Liverpuldan ayrılaraq La Liqa klubuna keçə bilər;

Futbol
Bu gün, 09:24

Sabiq Braziliya futbolçusu Gabi Morais narkotik pullarının yuyulmasında həbs edildi

Futbol
Bu gün, 09:20

Alman klubu 60 milyon avro təklifi ilə Inter’in 20 yaşlı müdafiəçisi Finn Yelçin

Futbol
Bu gün, 09:08

Harri Keyn ikinci Qızıl Top üçün hədəfləri: daha çox kubok qazanmaq istəyir

Futbol
Bu gün, 09:00

Sumqayıt Sabah qarşısında Mehdi Huseynzadə arenasında oynayacaq

Futbol
Bu gün, 08:40

Li Kan İn xaricdə 2026-cı ilin ən yaxşı Asiyalı futbolçusu, “Traktor”un qapıçısı Əlirza Beyranvənd isə Asiyanın ən yaxşı futbolçusu seçildi

Futbol
Bu gün, 08:20

İmişli 12-ci turda Zirəni ev stadionunda qəbul edir

Futbol
Bu gün, 08:12

"Barselona" Lisandro Martinezın transferinə maraq göstərmədi: Deku və Flik rədd etdi

Futbol
Bu gün, 08:00

Blekpul klubu doğum günündə baş məşqçi Ian Evatti vəzifəsindən çıxardı

Futbol
Bu gün, 07:11

İnterin müdafiəçi transferi üçün 60 milyon avroluq qiymət tələb olunur

Futbol
Bu gün, 06:13

Real Madrid Chema Andresi geri gətirməyi düşünür

Futbol
Bu gün, 05:07

Poçettino “Old Trafford”da “Country Roads” mahnısını əlamət kimi qəbul etdi

Futbol
Bu gün, 04:38

PSJ dörd əsas futbolçu ilə müqavilələrini uzatmaq istəyir

Oxşar xəbərlər