Qarabağ FK
Avropa Liqasında Liqa mərhələsinin yeddinci turu çərçivəsində keçirilən "Qarabağ" – FCSB (Rumıniya) matçından (2:3) sonra komandamızın baş məşqçisi Qurban Qurbanov mətbuat konfransında görüş barədə fikirlərini bildirib:
"Əvvəlcə bu mövsüm Avropa Liqasının bütün ev oyunlarında bizimlə bərabər olan azarkeşlərimizə təşəkkür etmək istəyirəm. Bugünkü matçda da sona qədər komandamıza inandılar. Qalib gələ bilərdik. Futbolda bəzən düşünmədiyin anlar olur ki, bu gün onu gördüm. Rəqib üç künc zərbəsindən üç qol vurdu. Komandamız bütün oyunlarda çox əziyyət çəkdi. FCSB isə nəticəyə oynamağı bacaran kollektivdir. Bəlkə də, avrokuboklarda ən uğurlu seriyalarını bu mövsüm keçirirlər".
