Qarabağ FK
Misli Premyer Liqasının IX turunun "Sabah" - "Qarabağ" oyunundan (0:0) sonra komandamızın baş məşqçisi Qurban Qurbanovun iştirakı ilə mətbuat konfransı keçirilib. Təcrübəli mütəxəssis qarşılaşma barədə fikirlərini bildirib:
"Maraqlı oyun alındı. Yaxşı mübarizə, yaxşı dinamika var idi. Sona kimi temp yüksək səviyyədə oldu. Qarşımızda çox yaxşı, formalaşmış rəqib var idi. Texniki səhvlərimiz olsa da, oyunçular mübarizədən qopmadılar, son nöqtəyə kimi oynamağa çalışdılar. Hər bir futbolçu üçün gələcəyi düşünüləsi oyun oldu. İdman formamızı daha da yaxşılaşdırmalıyıq. Stadionda çox gözəl atmosfer var idi. Hər iki komandanın azarkeşlərinə təşəkkür edirəm".
