Qarabağ FK
"Qarabağ"ın qış hazırlıq planı müəyyənləşib. Komandamız 2024/25 mövsümünün ikinci yarısına hazırlığı Bakıda keçirəcək.
Misli Premyer Liqasının XVIII turunun "Araz-Naxçıvan"la dekabrın 22-də baş tutan oyunundan (2:0) sonra istirahətə buraxılan futbolçularımız 2025-ci ilin yanvarın 3-də bir araya gələcəklər. Komandamızın hazırlıq prosesi "Azersun Arena"dakı təlim-məşq bazamızda baş tutacaq.
Bakıdakı toplanış çərçivəsində iki yoxlama oyunu keçiriləcək. Komandamız yanvarın 9-da "Kəpəz", üç gün sonra "Zirə" ilə üz-üzə gələcək.
Qeyd edək ki, mövsümün ikinci yarısı yanvarın 17-19-da keçiriləcək XIX turun matçları ilə başlayacaq.
