Qarabağ FK
Qətər toplanışında olan "Qarabağ" akademiyasının komandaları yoldaşlıq oyunları keçiriblər. U-15 və U-17 "Aspire Academy Friendly Series" çərçivəsində matçlarda qüvvəsini sınayıb.
Təmsilçilərimiz "Aspire"nin müvafiq yaş qrupu üzrə komandaları ilə görüşüblər. U-17-nin matçlarında Asiya təmsilçisi 2:0 və 4:2 hesabı ilə qalib gəlib. Komandamızın qollarını Elgün İsaqov və Həbib Qədimov vurublar.
U-15 ilk görüşdə heç-heçə edib. "Qarabağ"ın qoluna Onur Əliyev imza atıb. İkinci matçda Qətər komandası qalib gəlib – 2:1. Komandamızın heyətində Polad Hüseynov fərqlənib.
